Nadiskubrehan ang isa ka underground tunnel sa ginpatigayon nga raid sang Pampangan PNP kag mga local officials sa ginahambal nga exclusive resort nga ginaalegar gingamit sang mga Chinese bosses nga nagamanage sa mga operasyon sang Philippine Offshore Gaming Operator (POGO) sa Bamban, Tarlac kag Porac, Pampanga suno kay Pampanga police provincial director Police Col. Jay Dimaandal.
Ang nasambit nga compound sa Barangay Siñura, Porac Pampanga ang indi magnubo sa lima ka kilometros nagikan sa mga opisina sang ginraid nga POGO hub sang Lucky South 99 Outsourcing Inc. sang tinalikdan nga bulan.
Sa video, makit-an ang pagraid sang mga otoridad sa underground hallway nga may nagalinya nga empty shelves padulong sa mga opisina kag kwarto.
Sa isa ka kwarto, may yara sang glass sliding doors nga malabyan padulong sa isa ka magamay nga lagoon.
May yara man sang nadiskubrehan nga firing range.
Suno kay Dimaantal, sa nasambit nga leisure hub sa Barangay Sinuria nagapauli ang mga opisyal sang ginraid nga POGO sa Porac.
Natukiban man nga ginpatindog ang resort kag balay nga wala sang building permit kag nagakaigo nga barangay clearance nagikan sa opisina ni Porac Mayor Jing Capil.
