Ginalantaw sang presidente sang United Sugar Producers Federation (UNIFED) nga wala na sang tubo nga maani sa bulan sang Setyembre bangud sa epekto sang tuman kainit nga panahon.
Sa interview sang Bombo Radyo Bacolod kay Manuel Lamata, bangud sa tuman kainit nga panahon, ang mga sugar farmers sa probinsya ang wala lang nagahangla kundi wala na sila nakabutwa bangud halos nagkala-uga ukon lunsay nagkalalayong na ang ila mga tanum nga tubo bangud wala na sang tubig.
Suno kay Lamata, sa bulan sang Setyembre tig-alani naman sang tubo apang kun amo ini nga plastada nga tuman kainit kag wala gid sang ulan, ginalantaw sini nga wala sang maayo nga ani sang tubo.
Ginpahayag man sini nga bangud sa tuman kainit nga panahon, wala sang magatubo nga tubo bangud wala sang tubig kag kun may ara man, malip-ot ini kag magagmay.
Bangud sini wala sang maayo nga produkto sang kalamay makuha diri.
Samtang, mas maayo gid kuntani nga makapatigayon sang cloud seeding bangud dako gid ang mabulig sini sa platers sang tubo kag mangunguma sang palay.
