Ginpahayag ni Vice President Sara Duterte nga natukod lamang ang UniTeam para sa 2022 elections kag naserbi na ang iya tinutuyo sini sang naangkon nila ni President Ferdinand “Bongbong” Marcos Jr. ang kadalag-an.
Suno kay Duterte, ang UniTeam ang isa ka tandem sang 2022 elections kag sa karun natapos na ang Eleksyon, sila ang nagdaog kag sila ang nagapasalamat sa mga nagsuporta sa ila.
Suno pa diri, indi na sila kandidato sa karun.
Nagjoke man ini nga dapat magpabilin sa gihapon nga matahom ang isa ka persona nga ginadaog-daog.
Nagtuhaw ang mga spekulasyon natuhoy sa status sang UniTeam matapos nagpagwa sang mga statements si First Lady Liza Marcos batok sa bise-presidente kag ang suspension sang mga kilala nga mga kaalyadoni anay Presidente Rodrigo Duterte.
Nagpanginwala man ang bise-presidente nga magkomento natuhoy sa memorandum circular sang Presidente nga ilakip ang kanta kag pledge sang Bagong Pilipinas sa pagpatigayon sang mga flag ceremonies kada semana.
