Ginpahayag ni Bacolod City Vice Mayor El Cid Familiaran nga wala pa ini sang opisyal nga desisyon kun ano nga pwesto ang padalaganan sini para sa 2025 Midterm elections.
Sa interview sang Bombo Radyo sa bise alkalde, ang 90 percent nga disensyon ni Bacolod City Mayor Alfredo “Albee” Benitez nga magpapili bilang Congressman sang Lone District sa ciudad ang indi pa sigurado samtang wala pa sang anunsyo gikan sa alkalde mismo.
Suno diri, wala pa ini sang desisyon kun ano ang posiyson sini ang padalaganan.
Suno sa bise alkalde siya ang may option nga makapapili bilang konsehal, alkalde, congressman kag mahimo man nga siya ang magpahuway na sa pulitika.
Sa mahibaluan, si Familiaran ang nagserbe sa pulitika sa sulod sang 37 ka tuig na.
Kagab-i, sa ginpatigayon nga general assembly sang LAKAS-CMD, ginbayaw ni 3rd District Caretaker Congressman Joseph Stephen Paduano ang kamot ni Familiaran bilang kumpirmasyon sang iya suporta sa bise alkalde sa mas mataas nga posisyon nga padalaganan sini.
Pahayag ni Familiaran, normal lamang sa pulitika nga maupod ang anay kontra kag makontra ang anay kaupod kag suno diri, ang opisyal sini nga posisyon nga padalaganan ang mahibaluan kun siya ang magfile na sang Certificate of Candidacy.
