Nakahalin na ang 26 ka mga Filipino nagikan sa Israel paagi sa voluntary repatriation program sang Philippine Embassy.
Sa statement sang embahada sang Domingo, 26 sa mga Pinoy ang nakahalin na paagi sa voluntary repatriation program.
Sila ang gin-updan ni Philippine Ambassador Aileen Mendiola kag sang DMW-OWWA team sa Allenby Border Crossing agud masiguro ang maayo nga pagtabok sang mga ini nagikan sa Israel padulong sa Jordan.
Gin-asikaso man sang embahada ang ila transportasyon, transit visas, travel documents, kag plane tickets.
Antes magbiya, nagtinir anay ang mga ini sa shelter sang Department of Migrant Workers kun sa diin sila ang ginhatagan sang relief packages, libre nga legal assistance kag orientation para sa ila reintegration benefits pabalik sa Pilipinas.
Una na nga ginreport sang Department of Foreign Affairs nga ang grupo ang ginalakipan sang 26 ka mga overseas Filipino workers kag isa ka tourista.
Samtang, ginaproseso naman sa karun ang ikaduha nga batch sang repatriation nga ginalakipan sang 33 ka mga Filipino.
