Ginpahayag sang Armed Forces of the Philippines (AFP) nga may yara pa sang 400 ka mga military personnel si Vice President Sara Duterte.
Suno kay AFP spokesperson Col. Francel Margareth Padilla, ang 400 ka mga suldado ang kabahin sang VP Security Group sa idalum sang Presidential Security Command.
Suno sa iya, ini ang fixed number nga sarang nga madeploy maskin ano nga oras depende sa requirements sa maskin ano nga engagements.
Suno kay Padilla, kun lantawon ini ang nagakaigo na nga numero kag kun indi man masarangan nga suportahan sang PSC, sila ang masami nga nagahimo sang augmentation.
Suno diri, wala sang security threat batok kay Duterte.
Madumduman nga nagpagwa sang isa ka open letter si Duterte kay Philippine National Police chief Rommel Marbil bangud sa pagpull-out sang 75 ka mga police officers nga na-assign sa iya security kag ginpahayag nga ang ini nga tikang ang nagtarget sa iya mga ginasaligan nga mga personnel.
