Gin-fulltank na sang isa ka kompanya ang walo sini ka mga trucks antes paman ang pag-implementar bwas sang bigtime fuel price hike.
Sa interview sang Bombo Radyo Bacolod kay Gino, dispatcher kag fuel tender sang kompanya nga nagaproduce kag deliver sang aggregates ukon mga balas kag bato, nagdesisyon ang ila management nga ifulltank ang mga truck samtang barato pa ang presyo.
Apang aminado ini nga ang fulltank ang para lamang sa duha tubtob tatlo ka adlaw nga byahe, bangod ang mga salakyan ang masami nga nagalong-travel.
Bangod may-unod pa nga Diesel ang truck, siya ang nakatughong sang P9,500 nga Diesel sa isa ka truck.
Apang kun empty agid ang tangke, ginabanta sini nga magadangat sa P15,000 ang magastos.
Suno diri, may dako man nga fuel tank ang ila nga kompanya nga may reserba nga 20,000 liters sang Diesel, apang ini ang wala nalang anay ginpatandog bilang preparasyon inkaso nga maglawig ang mahal nga presyo sang gatong.
