Patay ang 11 ka mga Palestinian sa ginlunsar nga bag-o nga airstrike sang Israel sa Gaza.
Suno sa Israel Defense Force, ini ang isa ka tikang bilang pagbalos sa paglapas sang Hamas sa ceasefire.
Base sa record sang Palestinian Red Crescent, ang pag-atake sa tent encampment sa northern Gaza ang nagresulta sa kamatayon sang anom ka mga indibidwal.
Samtang, ang lima pa ka mga biktima ang napatay sa isa pa gid ka airstrike sa southern Palestine.
Madumduman nga gin-akusahan sang Israel kag Hamas ang isa kag isa nga naglapas sa ceasefire agreement nga epektibo sang Oktubre 10 sang nakaligad nga tuig.
Nahibaluan nga sugod sang ginpatuman ang ceasefire masobra 1,500 ka beses na nga ginlapas sang Israel kag indi naman magnubo sa 591 ka tawo ang ginreport nga napatay kag 1,590 ang nasamaran.
