Indi magnubo sa 15 ka mga persona ang nagkalamatay kag dinosena ang pilason matapos nagbunggo ang isa ka freight train sa likod sang isa ka stationary passenger train sa estado sang West Bengal sa India kahapon.
Suno kay Abhishek Roy, isa ka senior police official sa distrito ang Darjeeling, kun sa diin nagluntad ang aksidente, indi magnubo sa 15 ka mga bangkay ang narecover nagikan sa naglapta nga mga carriages.
Malapit sa 30 ka mga persona ang napilasan kag nagatrabaho sa karun ang rescue teams nagikan sa police kag national disaster response force kaupod ang mga doktor kag mga residente sang area agud maclear ang mga debris nagikan sa nagkala-utod nga bahin sang train.
Ang train nga may dala nga mga goods ang nag-igo sa Kanchanjunga Express nga nagabyahe padulong sa Kolkata, ang capital sang West Bengal, humalin sa northeastern state sang Tripura, kag nagamaneho sang tatlo ka mga carriages nga may mga pasahero.
Indi pa sa karun maathag kun pila ang kabug-usan nga numero sang mga pasahero sang nasambit nga train.
Nagpalab-ot naman sang pagpakig-unong si Prime Minister Narendra Modi sa pamilya nga nalisdan kag ginpahayag nga si Railway Minister Ashwini Vaishnaw ang nagpadulong na sa site.
