Ginkumpirmar sang Ateneo de Manila University ang kamatayon sang duha nila ka student-athletes sang Ateneo Men’s Basketball Team matapos malumos sa ila nga team-building activity sa Dipaculao, Aurora kahapon, Hunyo 8.
Ginkilala ang mga napatay nga sanday Rene Clert Baterbonia kag Divine Adili.
Nahibaluan nga nagbiyahe ang 19-anyos nga si Baterbonia apadulong sa Metro Manila sang Hunyo 4 agud ipadayon ang iya nga basketball career bilang kabahin sa Ateneo de Manila University.
Antes ang insidente, nakahampang pa siya sa bag-o lang natapos nga Palarong Pambansa 2026 sa Agusan del Sur kun sa diin iya ginrepresentar ang Davao Region kag nakakuha sang silver medal sa amo nga kompetisyon.
Sa official statement sang unibersidad, ginakasubo kag nagapakig-unong ini sa mga himata , abyan kag coaches sa pagkamatay sang duha ka mga atleta.
Sa karun, nagapadayon pa ang imbestigasyon sang mga otoridad angot sa natabo nga insidente.
