May mga bagay gid ya sa kalibutan nga daw indi kita kaintiende kun ngaa ini ang nagakatabo.
Kaangay lamang sa India, isa ka 20 anyos nga lalaki ang ginapatihan nga nag-elope sa iya 40 anyos nga iya kuntani nga mangin ugangan antes ang adlaw sang iya nga kasal.
Natalana kuntani nga magpakasal sanday Rahul kag Shivani nagikan sa Uttar Pradesh state sa Abril 16.
Napanghatag na ang mga imbitasyon kag ginkumpirmar na sang ila mga paryente nga magatambong ang mga ini, apang hinali lang nga natabo ang dako nga problema.
Ang groom ang hinali lang nga nag-isol kag wala nagpakita, apang wala ini naglakat nga naga-isanon.
Nagpalayo ini kaupod kay Anita, ang 40 anyos nga iloy sang iya nga bride kag gindala pa sang duha ang savings sang pamilya ni Anita.
Sang Abril 6, naglisensya si Rahul nga mabakal lang sang bayo para sa kasal kag sang gab-i, nagtawag ini sa iya amay kag nagpahayag nga nagpalayo na ini kag indi na pagpangitaon pa kag sa pareho nga tinion nanotisyaran sang bride nga wala na ang iya iloy kag ang ila nga savings.
Apisar nga nakit-an na niya kag sang iya amay nga may indi kina-andan nga relasyon ang iya nobyo kag ang iloy sini wala man nila ini ginsapak agud nga indi maguba ang pala-abuton nga kasal.
Sang ulihi, nahibaluan nila nga halos 22 ka oras sa kada adlaw nga naga-istoryahanay ang duha.
Para sa bride-to-be, wala na ini sang labot sa duha ang importante para sa iya amo nga mabalik ang ila kwarta kag mga alahas.
