Arestado ang apat ka persona matapos nga makuhaan sang masobra isa ka kilo sang suspected shabu sa ginpatigayon nga drug buybust operation sang Bacolod City Drug Enforcement Unit sa Raymundo Ave. Hermelinda Subs., Brgy. Mansilingan, Bacolod City kahapon.
Ginkilala ang mga nagkaladakpan nga sanday Nadal Verde, 42 anyos, babayi, high value individual kag residente sang Hermelinda Homes, Brgy. Mansilingan, Bacolod City; Cheryl Bulandras, 36 anyos, single, caregiver kag residente sang Purok San Roque, Brgy. Handumanan, Bacolod City; Richard Javellana, 36 anyos, single, service crew, kag residente sang Zone 1, Barangay Handumanan, Bacolod City; John Kyle Treyes, 23 anyos, waiter; single kag Angelo Martinez, 23 anyos kag pareho nga residente sang Purok Cabuguason, Brgy. Mansilingan, Bacolod City.
Narecover sa mga ini ang 1, 535 grams sang suspected shabu nga may standard drug price of Php 10, 438, 000.00.
Nakuha man sa paghinakop sang mga ini anum ka heat sealed transparent plastic sachets nga may unod suspected shabu kag tatlo ka plastic bag nga nagaunod sang suspected shabu kag P20,000 nga buybust kasubong man ang isa ka sachet sang suspected shabu kag iban nga non-drug items.
