Apat na ka mga tawo ang napilasan sa Bicol region samtang padayon nga naga-apekto ang Tropical Storm Aghon sa pila ka bahin sang pungsod.
Ini ang ginpahayag sang National Disaster Risk Reduction and Management Council (NDRRMC).
Sa latest report sang NDRRMC kaina sang aga, wala sang napatay ukon namissing bangud sa bagyo.
Suno kay Office of Civil Defense (OCD) spokesperson Edgar Posadas yara sa kabug-usan nga 2,734 ka mga tawo ukon 513 ka pamilya sa 18 ka barangay sa Bicol Region kag Eastern Visayas ang apektado bangud sa Bagyong Aghon.
Yara sa 523 ka mga tawo ukon 34 ka pamilya ang sa karun nagapabilin sa mga evacuation center.
Ginpahayag ni Posadas nga ang mga food at non-food items ang ginpreparar na sang OCD kag Department of Social Welfare and Development (DSWD) sa mga regional office agud nga madugangan ang mga makuhaan sang mga local government units.
Dugang pa ni Posadas nga ila nga ginabantayan ang pagbubo sang ulan ilabi nga magalabay ini malapit sa Metro Manila.
Umpisa alas 8:00 ang takna kaina sang aga, ginpasaka ang Tropical Cyclone Wind Signal (TCWS) No. 2 sa bahin sang Quezon, Rizal, Batangas kag Laguna samtang napabilin sang Aghon ang kabaskugon sini.
