Patay ang 54-anyos nga lalaki matapos ginluthang sang motorcycle riding suspects samtang nagapangape sa Barangay Mambulac, Silay City kaina sang aga.
Ginkilala ang biktima kay Rodolfo Cain Jr. kag residente sang amo nga lugar.
Sa interview sang Bombo Radyo Bacolod kay Virginia Cain, iloy sang biktima, ginpahayag sini nga nagapangape sa tiyangge ang iya sang may nagdulog nga motorsiklo kag may nanaog nga lalaki.
Ginpalapitan sini si Rodolfo kag ginitiro sang makaduha ka bes sa ulo nga gintunaan sang iya gilayon nga kamatayon.
Suno kay Virginia, wala gid sang kontra ang iya nga bata.
Dugang pa sini nga wala man sang trabaho si Rodolfo kag may yara sang tatlo ka mga kabataan.
Ginpahayag naman sini nga gina-kuno-kuno sa ila lugar nga nagabaligya sang iligal nga druga ang iya nga bata apang wala ini sang kamatuoran suno sa iloy.// Sa karon padayon pa ang imbestigasyon sang kapulisan angot sa insidente.
