BACOLOD CITY — Wala na natabangan pa ang anom ka tuig nga bata nga lalaki matapos nga nalumos sa isa ka resort sa ciudad sang Sipalay kaina sang aga.
Ang biktima amo si Jero Vermil sang Barangay 5, ciudad man sang Sipalay.
Sa interview sang Bombo Radyo kay Severo Hablado, local disaster risk reduction and management officer sang Sipalay City, nagpaligo ang pamilya sang biktima sa Villa Cornelia Resort sa Barangay Camindangan.
Pag-abot sa lugar, gilayon nga nagpaligo sa swimming pool ang bata kag wala natalupangdan sang iya mga kaperyentihan.
Bangud wala sang lifeguard ukon medical first responder ang swimming pool, wala sang may nagresponde gilayon agud nga ini ang masalbar.
Sang nasaylo na sa rescue ambulance, gintinguhaan ini nga mahatagan sang cardio pulmonary resuscitation padulong sa City Health Office apang gindeklarar nga dead on arrival.
Suno kay Hablado, wala pa opisyal nga nagbukas ang resort bangud ginaproseso pa ang permit sini halin sa ciudad sang Sipalay.
