Patay ang 65 anyos nga lalaki nga gina-alegar intel sang militar sang ini ang ginluthang sang wala nakilal-an nga mga suspetsado sa banwa sang Ilog.
Ang biktima ang ginkilala nga si Silas Granada, residente sang Sitio Gumayon, Brgy Pinggot, banwa sang Ilog.
Sa interview sang Bombo Radyo kay Police Captain Thurslie Castillo, hepe sang Ilog Municipal Police Station, nakabaton sila sang tawag nga may yara sang shooting incident nga nahitabo sa nasambit nga area, sa pagresponde sang mga kapulisan, ini ginkumpirma sang pamilya sang biktima.
Sa imbestigayson sang kapulisan, may kapin 30 ka mga indbidwal ang nagpadulong sa balay sang biktima kag apat sa mga ini ang nagsulod sa gate kun sa diin ila gintawag kag ginapaggwa si Granada sa balay sini.
Gilayon ini nga gin-kapyotan sang duha ka suspetsado kag gintiro sa likod.
Nag-agom ang biktima sang igo sa ulo kag liog, rason sang pagkapatay sini.
Suno sa kapulisan duha ka anggulo ang ginalanatw sang mga ini sa rason nga pagpatay kay Granada.
Suno diri, may yara sang naga-claim sang kadutaan sini apang si Granada naman ang legal nga nagapanag-iya sang duta.
Samtang, ila man ginkonsiderar nga ang New Peoples Army (NPA) ang nagpatay sa biktima, matapos ini nagpagwa sang statemnet nga sila ang naghimo sang krimen sa gina-alegar sang mga ini nga isa ka intel sang army si Granada.
Nag-koordinar naman ang mga kapulisan sa Barangay officials kag militar angot sa insidente, kag pag-clear sa area.
