70 anyos nga lalaki ginpeke ang iya kamatayon agud mahibaluan kun sin-o ang ma-attend sa iya lubong

Ginkakibot sang mga residente sang Konchi sa India sang mahibaluan ang kamatayon ni Mohan Lal nga former Air Force veteran.

Madamo sang natingala nga makita ang procession bangod kalabanan sa mga tawo wala nakahibalo kun paano siya napatay apang wala ini nakapa-untat sa mga tawo nga mag-upod sa procession, magpangasubo kag magpartisipar sa tanan nga traditional rites.

Apang ang mas nagpakibot pa gid sa mga tawo amo sang nagbangon si Mohan sa iya lungon.

Didto na nahibaluan sang mga tawo nga nagpakuno-kuno lang si Mohan nga patay agud makita kun sin-o ang nagapalangga sa iya.

Samtang, para mapatawad siya sang mga residente sa ginhimo niya, nag-organisar si Mohan sang dako nga handa para sa mga tawo.