Isa ka 83 anyos nga lola nagikan sa Purok Magbinuligay, Barangay Bata, Bacolod City ang maswerte nga nagabutan bilang grand prize winner sa grand draw sang One Two Panalo Part 19 Promo sang Bombo Radyo kag Star FM subong nga Sabado sang hapon kag siya ang magabaton sang P1 million cash.
Si Alicia Caba ang ika-72 nga milyonaryo sa mga promo sang Bombo Radyo.
Nagikan sa malapit 100, 000 ka mga entries nga natipon sang Bombo Radyo kag Star FM nagikan sa week number 1 tubtob alas 12:00 sang udto sang Pebrero 20 kun sa diin nagabukid nga mga entries sa lobby sang Bombo Radyo ang gindraw, maswerte nga napilian ang entry ni Caba nga naggamit sang Silver Swan bilang proof of purchase.
Tuman ang paghugyaw sang mga nagtambong sa draw mangin ang mga personnel sang estasyon matapos mapilian sa electronic draw nga magagikan sa Bacolod ang 1-million-peso winner.
Ang entry ni Caba ang ginhulog sang week number 5.
Ang draw ang ginsurpervise ni FDA representative Marissa De Oro.
Magluwas kay Caba, nagabutan nga tagdaog sang P50 mil nga regional prize para sa Visayas, si Kathline Labrador, 54 anyos kag residente sang Jereos Extension Road, La Paz, Iloilo City; si
50K winner in Gensan
Julius Cesar Makapinlak, 45 anyos nga taga Purok 8, Upper Banualan, Tambler General Santos City para sa Mindanao; si Marina Ribaner nga residente sang Upper Molave St., Payatas B, Quezon City para sa National Capital Region; kag si Aquino Imperial kag residente sang Brgy. Arabias, Echague, Isabela para sa Luzon.
May yara naman sang tatlo ka mga guaranteed prize winners para sa area sang Bombo Radyo kag Star FM Bacolod.
First prize winner nga magabaton sang P15,000 si Narcisa Rojo sang Marietta Village,Taloc, Bago City; second prize winner si Ma. Cecilia Polidario sang Sugar Valley, Subd. Talisay City nga magabaton sang P10,000 cash; kag third prize winner si James Parreño sang Camia, Marapara St.,Barangay Villamonte, Bacolod City nga magabaton sang P5,000 cash.
