83 anyos nga lola, nalumos sa suba sa banwa sang Ilog

Nasapwan nga wala na sang kabuhi ang 83-anyos nga lola sa suba sang Purok paglaum, Barangay Bocana, banwa sang Ilog alas-6:30 sang Dominggo, Marso 15.

Sa inisyal nga impormasyon, personal nga nagkadto ang apo sang biktima sa Ilog Municipal Police Station agud i-report nga ang iya lola ang nasapwan nga nagapa-utaw utaw sa tunga sang suba sang nasambit nga lugar.

Ang biktima ang ginhingagaw pa dala sa Lorenzo D Zayco District Hospital sa Kabankalan City apang gindeklarar nga dead on arrival.

Sa inisyal nga imbestigasyon, ang 83-anyos ang aksidente nga nahulog sa taytay kag nagtupa sa suba rason nga siya ang nalumos.

Nagapati naman ang himata sang biktima nga wala sang foul play sa nasambit nga insidente.