Ginpasalig sang Bureau of Jail Management and Penology Region 6 nga ginatinguhaan nga mapakaon sang husto ang mga priso bisan gamay lang ang pondo nga ginapain sang gobyerno para sa ila nga pagkaon.
Suno kay BJMP Region 6 spokesperson Jail Chief Inspector Jairus Anthony Dogelio, nagapain ang national government sang subsistence allowance nga P70 kada priso kada adlaw para sa kan-on kag sud-an sa tatlo ka meals ukon masobra P20 kada meal.
Suno kay Dogelio, nagadepende sa food service supervisor ang pagpaigo sang pondo bangud sila ang nagasubmit sang weekly menu.
Nagmandu naman ang regional director sa tanan nga warden nga siguruhon ang proper provision sang pagkaon sang mga inmates base sa ginsumiter nga menu sang food service supervisor.
Suno diri, mahal ang mga balaklon sa karon apang wala sang may mahimo ang BJMP kundi paiguon ang pondo nga ginhatag sang national government.
Sa karon, ginahulat naman ang outcome sang imbestigasyon sa noise barrage sa Pototan, Iloilo kun sa diin kakulang sang pagkaon ang mayor nga reklamo sang mga inmates.
Suno diri, ginalantaw kun ano ang nagtrigger sa mga inmates nga bisan sila ang gutom santo sa ila nga akusasyon, nakatinir sila sa ibabaw sang bubong sa sulod sang tunga sa adlaw kag mainit pa ang panahon.
