Nagpasalig si Bacolod City Mayor Alfredo Benitez sa mga jeepney drivers kag operators sa ciudad nga indi sila pagdakpon apisar nga 99 porsyento sang mga ini ang indi rehistrado suno sa secretary general sang United Negros Drivers and Operators Center (UNDOC).
Sa interview sang Bombo Radyo kay Diego Malacad, 99 porsyento sang mga jeep ang indi rehistrado bangud sa modernization program kag sa kakulangan sang Land Transportation Franchising and Regulatory Board.
Suno kay Malacad, nagsulat sila sa LTFRB Region 6 apang wala sila gin-accomodate gani ila ini ginpadangat sa central office, nga amu ang nag-abiso sa mga ini nga maggaward sang temporaryo nga Passenger Accident Management and Insurance Agency, Inc. (PAMI) agud may assurance ang mga pasahero.
100 porsyento naman sa 99 porsyento nga indi pa rehistrado ang may yara na sang PAMI.
Suno sa iya, sang Agosto 31 gintalakay ang ila concern sa Sangguniang Panlungsod kag sang tinalikdan nga Biyernes, nagpadulong sa ciudad ang LTFRB kag naghimo sang tikang si Benitez.
Suno diri, ila gin-eksplekar nga indi sila dapat pagdakpon apisar nga indi ang mga ini rehistrado bangud ang LTFRB amu ang may kakulangan kag ang Land Transportation Office (LTO) ang willing nga magrenew.
Suno kay Malacad, nagpasalig si Benitez nga wala sang dakpanay nga matabo.
Nagapati man ini nga indi pa pwede nga dulaon ang traditional nga jeep kag pasudlon ang modern bangud wala pa na sang market.
Suno pa diri, mismo ang alkalde ang nagpatuga nga indi dapat pagdulaon ang traditional bangud wala pa sang alternative.
