Magabulig ang mga katapo sang 303rd Infantry Brigade sang Philippine Army sa seguridad sang MassKara Festival sa Bacolod.
Suno kay Brigadier General Inocencio Pasaporte, commander sang 303rd Infantry Brigade sang Philippine Army, wala pa sila nakakitaay ni Mayor Alfredo Benitez apang nakabaton na ini sang sulat nga nagapangayo sang suporta sa seguridad sa nagahilapit nga Masskara Festival.
Suno kay Pasaporte, sila ang maga-augment sang security arrangement sa Masskara kaupod ang Bacolod City Police Office kun sa diin sila ang magadeploy sang mga personnel kag K9 units.
Suno diri, ang serbisyo nga ila gina-offer amu ang crowd control.
Sa karun wala pa sang numero kun pila ang iga-augment nga mga militar.
Sa bahin naman sang BCPO, sila ang iga-augment sang Police Regional Office (PRO) 6 kag kun pila ang kulang nga personnel, amu ina ang i-extend sang 303rd IB.
Suno sa iya, sa Setyembre 29, may patigayunon nga send off activity sa Bacolod Government Center para sa mga personnel nga igadeploy sa Masskara Fesival.
Nagapasalig ini sa publiko nga in-place ang security preparations sang mga otoridad agud mangin malinog kag madinalag-on ang Masskara.
