Wala sang problema para kay Negros Occidental Governor Eugenio Jose “Bong” Lacson kun sin-o man ang magapungko nga gobernador sang Negros Oriental bangud humalin sadto, maayo na ang relasyon sang duha ka probinsya maskin sin-o man ang liderato.
Sang Lunes, ggindeklarar sang Commission on Elections (Comelec) Special Provincial Board of Canvassers si Governor Roel Degamo bilang matuod-tuod nga tagdaog sa May 2022 gubernatorial race sa Negros Oriental.
Ini matapos ginresolve sang Comelec ang petisyon nga ginfile sini batok sa isa ka nuisance candidate kag gin-nullify ang pagdaog ni Negros Oriental Governor Pryde Henry Teves.
Suno kay Lacson, kun amu ini ang desisyon sang Comelec kag Korte Suprema, ini ang nagakadapat.
Suno sa iya, bilang kabahin sang liga, handa ang probinsya nga magtrabaho sa maskin sin-o man ang magapamuno sa Negros Oriental ilabi na tuhoy sa liwat nga pagtukod sang Negros Island Region.
Suno diri, si Teves man ukon si Degamo ang mangin gobernador sang Negros Oriental, wala ini sang nagakakit-an nga problema sa liwat nga pagtukod sang NIR bangud lunsay sila pabor sa nasambit nga tikang.
