Ginakabig ni Mayor Alfredo Benitez ang Masskara sa Panaad nga indikasyon nga ang probinsya kag ang ciudad ang nagacoordinate para sa ikaayo sang Bacolod kag Negros Occidental.
Sa speech ni Benitez sa opening ceremony sang Masskara sa Panaad, ginpasalamatan sini si Governor Eugenio Jose “Bong” Lacson sa pagtambong sa event kag pagbaton sang imbitasyon nga makigbahin ang probinsya sa Masskara.
Suno diri, ini ang ehemplo kun ano ang sarang nga mahimo sang Negros kag Bacolod kun magabuligay.
Nagalaom ang alkalde nga sa masunod nga mga tinuig, ini ang magapakita sang ehemplo sang pag-isa para sa better Bacolod kag Negros.
Gindugang man sini nga nagpropose si Councilor Jason Villarosa sang ordinansa nga nagaimbita sa probinsya sa Masskara Festival sa mga masunod nga tinuig.
Suno kay Benitez, ang Panaad ang yara sa sentro sang Bacolod gani nagakadapat lang nga ini ang mangin kabahin sang selebrasyon sang Masskara Festival.
