Natumod na sang City Legal Office sang Bacolod City Government ang imbulbado sa ginaaligar nga anomaliya sa pagtughong sang gasolina sa mga heavy equipment sang syudad nga madugay naman nga guba.
Sa interview sang Bombo Radyo Bacolod kay Atty. Carlos Romeo Ting Jr., Bangud City Legal Officer, ginpapanaugan sang show cause order batok sa duha ka empleyado sang syudad apang wala pa sa karun ginhingadlan agud nga makapaathag sa nadiskubrehan nga naggamit sang fuel trip ticket sang heavy equipment nga wala nagamit.
Ang fuel trip tickets ang gincharged sa heavy equipments vehicle sang walo ka beses kun sa diin nagdangat na sa P50,000.
Ginahibalo pa sang syudad sang Bacolod kun madugay na nga practice ang ginahimo sang mga natungdan ang aligasyon.
Ginpahayag man ni Ting, nga ang bulldozer sang 2017 pa naguba kag ginakuhaan lang sang fuel trip ticket.
Aminado man ini nga nabudlayan man sila magimbestigar bangud wala man sila sang hawid sang dokyumento bangud isa lang ang kopya sang nakaligad nga administrasyon kag ginapasa man sa Commission on Audit.
Maga-assign sang hearing officer ang syudad para sa hearing sang duha ka mga empleyado nga gina-aligar imbulbado nasambit nga anomaliya.
