Gin-anunsyar sang Central Negros Electric Cooperative, Inc. (CENECO) nga nagnubo ang ila residential rate sang P0.2648/kWh sa bulan sang Oktubre.
Suno kay Eunice Castillon, chief sang Member Consumer Integrated Services Division sang CENECO, ang average residential rate para sa billing month nga October 2022 ang Php15.4337/kwh, mas manubo sang P0.2648/kWh, nagikan sa P15.6985/kWh nga rate sang tinalikdan nga bulan.
Ang nasambit nga rate decrease ang attributed sa net reduction sa generation, transmission kag system loss charges bangud sa availment sa fuel discount nagikan sa isa sa mga power supplier sang CENECO kasubong man ang pagnubo sa FIT-All rate, Lifeline and Senior Citizen Subsidies, GRAM ICERA adjustment kag value added tax (VAT).
Ang pass through charges nga equivalent sa P14.2471/kWh sang total power rate ang ginalakipan sang Generation and Transmission charges, ERC-approved adjustments, government subsidies kaf taxes.
P1.1866/kWh lamang sang power rate ang nagakadto sa CENECO paagi sa Distribution, Supply, Metering (DSM) Charges and Reinvestment Fund for Sustainable CAPEX (RFSC) para sa administrative kag operational services sini.
Suno kay Castillion, magasaka man ukon maganubo ang residential rate, steady lang sa gihapon ang balor nga nagakadto sa CENECO.
