Padayon ang ginapatigayon nga monitoring sang Philippine Drug Enforcement Agency (PDEA) sa mga kabarangay kag mga barangay officials nga nagaengaged sa illegal nga druga.
Sa interview sang Bombo Radyo Bacolod kay Agent Bamboo sang PDEA Negros Occidental, humalin pa sang nagliligad nga mga tinuig ang PDEA ang nagapadayon sa pagmonitor sa mga barangay officials nga imbulbado sa illegal nga druga.
Suno kay Bamboo, ang monitoring nga ginpatigayon ang nagresulta man sang pagkadakop sang mga Barangay Kagawad sang Barangay Alijis subong nga tuig, Barangay Kagawad man sa syudad sang Talisay, Negros Occidental kag iban pa.
Suno diri, ang tanan ang ginavalidate man kag nagahimo man sila sang counter validation agud mahibaluan man ang involvement sang iban bangud sang administrasyon ni anay President Rodrigo Duterte nga madamo sang nakalista nga barangay officials, pulitiko kag bisan uniformed personnel.
Nagadouble time sa karun ang intelligence service sang PDEA sa pagvalidate kun nagasige pa ang ginlista nga mga barangay officials, pulitiko ukon mga uniformed personnel kun nagasige pa ang involvement sa iligal nga druga.// Suno kay Bamboo bangud sa adjudication process ang iban nga pangalan nga nakalista ang cleared na.////
