Nangin madinalag-on ang ginpatigayon nga greyhound operation sang mga otoridad sa Metro Bacolod District Jail (MBDJ) kaina sang aga.
Sa interview sang Bombo Radyo Bacolod kay JO1 Charlene S Valerio sang community relation service sang Metro Bacolod District Jail (MBDJ), nag-umpisa alas 7:00 ang takna kaina sang aga ang ginpatigayon sang greyhound.
Suno kay Valerio, successful ang ginapatigayon nga greyhound operation bangud wala man sang illegal nga kontrabando sila nga nakumpiskar nagikan sa mga Persons Deprived of Liberty (PDL) sang MBDJ.
Pila sa mga nakumpiskar sa sulod sang MBDJ amo ang wiring para sa mga lanterns nga ginahimo sang mga PDLs bilang ila nga livelihood.
Nakumpiskar man diri ang mga extra nga colored nga bayo bangud ginadumilian ini bangud ang ginapahanugutan lamang nga color nga mahimo suksukon sa sulod sang selda ang color yellow.
Ginkuha man sa MBDJ ang mga botelya sang perfumes bangud iban diri ang delikado bangud pila sa mga ini ang combustible.
Samtang, ginpangunahan naman sang Philippine Drug Enforcement Agency (PDEA) ang ginpatigayon nga drug test sa 190 ka mga PDL nga mismo ang PDEA ang nagpili randomly sa listahan nga ginhatag sang MBDJ personnel kag 47 naman ka personnel sang MBDJ ang ginpaidalom man sa random drug test agud nga masiguro nga drug free ang MBDJ.
Nagpanugyan man si Valerio sa mga PDLs nga padayunon lamang sang mga ini ang pagbulig sa pagpatuman sang mga programa sang MBDJ.
