Napatigayon na ang turn-over ceremony para kay Police Lieutenant Colonel John Joel Batusbatusan sa posisyon bilang hepe sang Kabankalan City Police Station.
Ginhiwat ang seremonya sang Enero 23, kun sa diin ginbuslan ni Plt. Col. Batusbatusan si Police Lieutenant Colonel Alvimar Flores bilang hepe sang Kabankalan City Police Station.
Sa interview sang Bombo Radyo kay Negros Occidental Police Provincial Office (NOCPPO) spokeperson, Police Captain Judesses Catalogo, outgoing officer in charge si PLt Col Flores samtang si PLt Col Batusbatusan naman ang incoming OIC ang nagbaluos sa pwesto sini.
Suno diri, si PLt Col Batusbatusan ang anay hepe sang Bago City Police Station kag amo man nga Chief of General Service Office ( GSO), samtang si PLt Col Flores naman ang mangin hepe sang 2nd Negros Occidental Provincial Mobile Force Company.
Dugang pa niya, ang change of command amo ang pag-align sa mga officers nga ginakabig may ikasarang nga mag-kapyot sang position.
