Nakaheightened alert ang katapo sang Bacolod Traffic Authority Office (BTAO) subong nga adlaw, Hulyo 22 agud nga magbantay sa mga magapatigayon sang protesta kadungan sang pagpatigayon sang State of the Nation Address (SONA) ni President Ferdinand ‘Bongbong’ Marcos Jr.
Sa interview sang Bombo Radyo Bacolod kay Jose Antonio Robello, deputy head sang Bacolod Traffic Authority Office (BTAO), gin-instructionan na sini ang tanan nga mga traffic enforcers nga bantayan ang mga magapatigayon sang rally kag kun nagalakat ang mga ini kag kinanlan nga magtabok sa dalan, dapat nga iassists ang mga ini sang BTAO traffic enforcers.
Suno diri, magahingyo man ini sa Bacolod City Police Office nga pagabutangan sang police presence ilabi na ang patigayunan sang protesta.
Suno kay Robello, normal naman nga adlaw para sa iya ang subong nga adlaw.
Ginalantaw man sini nga mangin matawhay man ang subong nga adlaw kalakip na ang dalagan sang trapiko bangud indi man sa ciudad patigayunon SONA sang presidente.
Nagpanugyan man ini sa mga magapatigayon sang rally nga patigayunon lamang ini sang matawhay kag indi na pagodelatar ang mga lakat sang iban nga mga pumuluyo.
