-- ADVERTISEMENT --
Aprubado na sang Sangguniang Panlalawigan ang request ni Negros Occidental Governor Eugenio Jose “Bong” Lacson nga authority sa pagpatuman sang first tranche sang salary increase sang mga empleyado sang Provincial Government.
Sa ginpatigayon nga regular session sang Provincial Board antes ang State of the Province Address ni Governor Lacson, ginduso ni 3rd District Board Member Manman Ko ang resolution nga gin-certify nga urgent.
Ini ang bilang pagpatuman sang Executive Order No. 64 ni President Ferdinand Marcos Jr. nga nagamandu sang saka sa sweldo sang mga empleyado sang gobyerno nga nag-take effect sadtong Agosto 2.
Nangin matunog naman ang palakpak sang mga Capitol employees matapos ang approval.
