Bilang tawo, may mga kahigayunan gid nga luyag natun nga testingan ang mga bagay nga makapasaka sang atun adrenaline, isa na diri ang pagsakay sa kayak apang paano kun bangud sini ikaw ang hampangan sang isa ka balyena?
Sa pungsod Chile, hinali lamang nga nadula ang isa ka lalaki nga nagaenjoy sa pagsakay sa kayak apang daw kaangay nga ginhimo ini nga hampangan matapos nga hinali lamang ini nga gintulon sang isa ka humpback whale kag ginluad man gilayon.
Ang makanerbyos nga hitabo ang nakuhaan sang video footage.
Kaupod sang kayaker nga si Adrian Simancas, ang amay sino sang nagliligad nga semana sa dagat nga sakop sang Punta Arenas, sang nagwa ang balyena kag gintulon siya sini.
Suno kay Simancas, pamatyag sini daw ginhakwat siya apang maathag naman sa iya nga tuman ini kabaskog kun balod lang.
Nabatyag niya man sini nga may naglabay nga blue kag puti sa guya sini samtang ini ang nagasuli gani napinsaran sini nga siya ang gintulon.
Sa maayo nga pala, gilayon man ini nga ginluad sang balyena kalakip na ang kayak nga wala sang samad.
Ang amay sini ang nagasakay sa iban nga kayak gani nakuhaan sini ang bug-os nga insidente sa kamera.
