Opisyal na nga ginlunsyar ang 29th Panaad sa Negros Festival kag ginpakilala na ang mga maanyag nga kandidata para sa Lin-ay sang Negros nga ginpatigayon sa Provincial Capitol Park and Lagoon.
Ginpangunahan ni Negros Occidental Governor Eugenio Jose “Bong” Lacson ang official launching sang kapiyestahan sang tanan nga festival sa probinsya sang Negros Occidental.
Ang nga tuig nga kapiyestahan ang may tema nga “The Future unfolds”.
Sa mensahe sang gobernador ang pagselebrar sang Panaad sa Negros Festival kada tuig ang indi lang para sa kapiyestahan kundi ini ang nagapakita sang kabakod kag heritage sang probinsya.
Ginpasalamatan sini ang tanan nga nagbulig agud nga matigayon ang launching sang kapiyestahan kag sashing sang mga kandidata sang Lin-ay sang Negros.
Ang event ang gintambungan man sang mga opisyales nagikan sa nagkalain-lain nga ciudad kag banwa sa probinsya sang Negros Occidental.
30 ka mga kandidata ang magapaindis-indis agud makuha ang korona para sa Lin-ay sang Negros 2025.
Ang 29th Panaad sa Negros Festival ang patigayunon sa Panaad Park and Stadium sa Barangay Mansilingan sa ciudad sang Bacolod sa March 24 tubtob March 30,2025.
Ang Negros Occidental provincial government ang nagpain sang P30 million para sa tuigan nga kapiyestahan.
Sa nasambit nga kapiyestahan igafeature ang mga booths nagikan sa tanan nga local government units sa probinsya sang Negros Occidental.
