Naplastar naman sang pamunuan sang Negros Occidental Police Provincial Office (NOCPPO) ang security plan para sa 29th Panaad sa Negros Festival nga patigayunon sa Marso 24 tubtob Marso 30, 2025 sa Panaad Park and Stadium, Barangay Mansilingan, Bacolod City.
Sa interview sang Bombo Radyo Bacolod kay NOCPPO Director Police Col Rainerio De Chavez, naplastar na nila ang security plan kag may yara sang kapin 1000 ka mga kapulisan nga ideploy para sa selebrasyon sang Panaad sa Negros Festival.
Suno kay De Chavez may yara man sang augmentation ang Bacolod City Police Office.
Suno diri, indi man makaapekto sa ila pagbantay sa seguridad sang nasambit nga kapiyestahan ang pagsiguro man sang seguridad sa nagahilapit nga 2025 midterm elections.
Samtang may naplastar naman nga convoy nga pagabug-usan sang Highway Patrol Groups para sa mga VIPs nga magabisita sa probinsya para sa selebrasyon sang nasambit nga kapiyestahan.
Samtang plastado naman ang contigency plan sang NOCPPO para sa paglupok sang Bulkan Kanlaon.
