Ginatarget sang Department of Tourism nga mapasanyog pa ang hotel industry sa Pilipinas.
Ini ang agud nga ma-accommodate ang nagaddamo nga numero sang mga nagabisita sa pungsod kag mapasanyog pa ang posisyon sang Pilipinas bilang nagapanguna nga travel destination.
Sa ikaduha nga Annual Philippines Hotel Industry Summit, ginpahayag ni DOT Secretary Christina Frasco nga apisar nagapabilin nga mas manubo ang mga visitor arrivals sa pungsod kumparar sa pila ka mga kaiping nga pungsod sa ASEAN steady naman ang pag-abot sang mga turista nga nagapabakod sa mga local nga negosyo kag hotel accommodation.
Agud naman nga mahatagan sang solusyon ang nagadako nga demand para sa accommodation, ginlunsyar sang DOT ang pagpartner sa Philippine Hotel Owners Association sa Philippine Hotel Industry Strategic Action Plan 2023-2028.
Tinutuyo sang roadmap nga ini nga makaattract sang direct investments ilabi na sa mga bag-o nga destinasyon sa pungsod kag pagpatindog sang masobra 120,000 nga bag-o nga room keys agud nga masabat ang demand sang yara kapin 456,000 visitors pag-abot sang 2028.
