Para sa mga unconsolidated traditonal jeepney drivers ang safety stickers nga ginhatag sa mga consolidated jeepneys ang nagapakita sang diskriminasyon sa mga nagabyahe nga wala sang prangkisa.
Ginbutangan sang Bacolod Traffic and Transport Management Department (BTTMD) sang safety stickers ang mga consolidated jeepneys agud madeterminar kun sin-o ang may prangkisa kag insurance sa pagbyahe.
Sa interview sang Bombo Radyo Bacolod kay Rudy Catedral, presidente sang Bacolod Alliance of Commuters, Operators and Drivers (BACOD), humalin sang Abril 2024 sila sa BACOD wala nagrenew sang prangkisa kag mismo ang Local Government Unit sang Bacolod City nga sila nagabyahe nga wala sang rehistro kag insurance apang wala man naggiyo ang LGU.
Ginpa-athag ni Catedral nga wala sila nagapamatok sa modernization program apang ang luyag lamang nila nga bag-ohon ang sistema kag indi magsulod sa mga kooperatiba kag korporasyon nga namierdehan sa modernization program.
Pahayag ni Catedral, luyag lang nila nga i-upgrade ang ila salakyan sangsa magbayad sang masobra sa P2 million nga modernized jeep.
Ginhangkat man sini nga kun sin-o man ang madakop sa ila nga wala naconsolidate, amo ang basulon sang tawo nga nahalitan nga wala sang masakyan.
