Patay ang 32 anyos nga Patrolman matapos makabunggo sa truck sa bahin sang national highway sa Taytay Candaguit, Barangay Baliwagan, San Enrique, Negros Occidental, kahapon, alas-5:15 sang hapon.
Si Patrolman Kenneth Casuya, 32 anyos, residente sang Barangay Miranda, Pontevedra, Negros Occidental ang naasign sa Bacolod Police Station 9.
Samtang ang driver naman sang Bus Stake Truck ang ginkilala nga si Reymar Millena, 44 anyos, residente sang Sitio Duran, Barangay San Isidro, Pontevedra, Negros Occidental.
Nagasakay sa motorsiklo si Casuya papauli na kun tani sa Pontevedra samtang ang truck naman ang nagabyahe halin sa Pontevedra padulong sa EB Magalona.
Paglab-ot sa lugar kun diin nagluntad ang aksidente, nag-overshoot kurbada si Casuya ka nabunggo sa truck.
Gilayon ini nga gindala sa ospital apang gindeklarar nga dead on arrival.
