Pila sa atun ang luyag maghiking apang wala nalang nagakadayon bangud wala pa gani makaumpisa sa pagsaka sa bukid nakapuyan na.
Sa China ang isa resort ang naghimo sang tikang agud nga makahiking ang mga tawo nga indi makapoy.
Isa matahom nga mountain resort sa Jianxi, China, isa ka mountain resort ang naggasto sang 1 million dollars para sa pagpatukod sang dalagko nga escalators agud nga mangin mahapos para sa mga tawo nga makalab-ot sa ibabaw sang bukid.
Ang ini nga proyekto nga naga-offer sang manami nga view sa ibabaw sang 1,500-meter nga summit, ang ginsuguran sa pagtukod sang 2022 kag natalana nga magbukas sa masunod nga bulan.
Nagaisahanon ini nga mountain escalator installation sa China kag ginakonsiderar nga isa sa pinakadako kag pinakamasibod.
Gindayaw naman ini sang iban bangud nga mahimo nga maka-enjoy sang view sa ibabaw ang mga tigulang kag ang mga tawo nga may sablag sa lawas samtang may nadismaya naman bangud nga ginkuha sang otoridad ang kasadya sa hiking.
