Nagpahanumdom ang mga kapulisan sang La Carlota City nga likawan ang pagpaligo sa water irrigation sa Hda Salvacion, Barangay Ayungon, La Carlota City, Negros Occidental bangud mahimo nga ang tubig diri ang kontamido kasunod sang pag-alburuto sang Bulkan Kanlaon sang tinalikdan nga Abril 8.
Sa interview sang Bombo Radyo Bacolod kay Police Captain Rosinie Cabuena, Deputy Chief of Police sang La Carlota City Police Station, ginaremind sang mga ini ang publiko nga likawan nalang ang pagpaligo sa nasambit nga water irrigation bangud nagasige pa ang aktibidad sang Bulkan Kanlaon kag mahimo ini nga ang tubig sa irigasyon ang kontamido.
Suno kay Casabuena, indi advisable ang magpaligo didto bangud mahimo nga may malain nga epekto sa ikaayong lawas sang tawo ang tubig nga yara sa irigasyon.
May mga police man nga nagarobing sa lugar agud masiguro ang seguridad sang mga residente.
