Pilason ang 48 anyos nga babayi matapos ginluthang samtang nagahampang sa computer shop sa Purok Kagaykay, Brgy 2, Bacolod City alas11:45 kagab-i.
Ang biktima ang ginkilala nga si Florence Estores, 48 anyos, residente sang Purok Kapisan, Barangay Vista Alegre, Bacolod City.
Nagdangop sa Bacolod Police Station 2 ang 68 anyos nga live in partner sang biktima nga si Panfilo Noquillo agud ireport ang insidente, nga gilayon man nga ginrespondihan sang kapulisan.
Naabtan naman nga nagapungko sa bangko sa sulod sang computer shop ang babayi, kag estable paman ang kondisyon, kag ini ang nadala sa Corazon Locsin Montelibano Memorial Regional Hospital alas 12:20 kaina sang kaagahon.
Sa imbestigasyon, nagahampang lamang sa computer ang biktima sang siya ang hinali nga ginluthang sang makaduha ka beses sang wala makilala nga suspetsado.
Sa karun padayun pa ang follow up investigation sang Bacolod Police Station 2 agud matumod ang motibo kag identity sang suspect, kag ini ang maaresto.
