Ginpahayag sang Malacañang nga mas palaparon pa sang administrasyon ni President Ferdinand “Bongbong” Marcos Jr. ang mga social programs sini agud ma-address ang gutom kag kapigaduhon sa pungsod, isa ka adlaw matapos nagwa ang survey nga nagtaas ang self-rated poverty sa Pilipinas humalin 2015.
55 porsyento sang mga Filipino ang ginakonsiderar ang ila kaugalingon nga pigado subong nga bulan suno sa data nagikan sa isa ka Social Weather Stations (SWS) survey nga ginpatigayon sang mid-April.
Ini ang mas mataas nga numero kun ikumparar sa self-rated poverty numbers sang Enero sa 50 percent, 51 percent sang Pebrero kag 52 percent sang Marso.
Suno kay Communications Undersecretary Claire Castro, tanan nga lehitimo nga survey ang ginakilala kag ginakonsiderar sang Marcos administration.
Nalakip sa mga programa nga tinutuyo sang administrasyon nga mapalapad amu ang “Walang Gutom Program,” sang Department of Social Welfare Development, school-based feeding programs kag P20 per kilo nga bugas sang Marcos administration.
