Naghatag sang pahanumdom ang Commission on Elections – Negros Island Region para sa eleksyon sa Lunes.
Suno kay COMELEC- NIR Director Atty Lionel Marco Castillano, tatlo ka adlaw na lang nabilin kag patigayonon na ang eleksyon.
Suno diri, may yara na lang sang tatlo ka polling precinct sa probinsya sang Negros Oriental nga kahapon lamang napatigayon ang final testing kag sealing sang Automated Counting Machines bangod naaberya ang USB.
Ini ang ginlakipan sang banwa sang Moises Padilla kag Sagay City sa Negros Occidental, kag isa ka local government unit sa Negros Oriental.
Pahanumdom sini nga sa adlaw sang eleksyon, magdala sang tubig, kag mas maayo kun timprano pa magboto.
Ginpanugyan man sini sa mga watchers kag supporters nga pabay-an ang mga tawo kun sin-o ang luyag nila nga botohon.
