Gin-ako sang New Peoples Army nila sila ang nagpatay sa anay CAFGU member kag karun habal-habal driver sa nabukid na nga bahin sang Sitio Minasug-ang, Barangay Tabun-ac, Toboso, Negros Occidental, sang Miyerkules, alas-8:30 sang aga.
Ang biktima ang ginkilala nga si Alyas Jury, 54 anyos, kag residente sa Brgy. Bandila Proper, Toboso.
Nahibaluan nga nagabyahe sakay sa iya motorsiklo ang biktima sang siya ang ginbalabagan sang apat ka armado nga persona.
Siya ang ginluthang sa nanarisari nga bahin sang lawas, kun sa diin may narecover nga 19 ka basiyo sang cal 9mm sa crime scene.
Sa interview sang Bombo Radyo Bacolod kay 3rd ID public affairs office chief Col. Erwin Rommel Lamzon, madugay na nga miyembro sang CAFGU si Alyas Jury kag indi na matrace kun diin ini nga detachment na-assign.
Suno diri, nagapadayon pa ang imbestigasyon sang kapulisan samtang handa naman sila nga mag-assist kun kinahanglan.
Samtang, suno naman sa NPA, ila ginpatay ang anay CAFGU bangod sa ila pagpati nga si Alyas Jury ang ginagamit bilang intel.
