Presyo sang karne sang baboy, target nga mapanubo sa P60 tubtob P120 kada kilo

Ginatarget sang Department of Agriculture (DA) nga mapanubo ang presyo sang baboy sa P60 tubtob P120 kada kilo.

Santo sa pahayag sang DA, nagahimo na sila sang revised plan agud makabakal sang karne sang baboy sa mas barato nga presyo matapos ginbawi ang maximum suggested retail price.

Suno kay DA Sec. Francisco Tiu Laurel Jr., posible nga P340 tubtub P380 ang presyo sang karne sang baboy nga sa karon yara na sa P450 kada kilo.

Tuyo man nila nga buhinan ang numero sang mga “middlemen” suno sa direktiba ni Presidente Ferdinand Marcos Jr., gani nagaupod sila sa Food Terminal Inc. ukon FTI agud direkta nga magbakal, mag-ihaw, kag magdul-ong sang mas barato nga karne sang baboy sa mga retailers.