Posible nga i-implementar ang P1 nga pagsaka sa plete sa jeep sa una nga semana sang Hulyo bilang sabat sa nagapadayon nga pagsaka sang presyo sang produktong petrolyo.
Suno kay Land Transportation Franchising and Regulatory Board (LTFRB) Chairman Teofilo Guadiz III nga ila ginalantaw ang approval sang P1 provisional increase tubtob sa una nga semana sang Hulyo.
Suno kay Guadiz, ila pa ginahulat ang isa ka pagtuon nagikan sa National Economic and Development Authority kag duha ka semana humalin sa karun, ila ini iga-release.
Kun maimplementar gid man ang P1 increase, ang minimum nga plete sa jeep ang magasaka sa P14.
Suno kay Guadiz, humalin pa sang tinalikdan nga tuig ang pagreview sang LTFRB sang mga petisyon nagikan sa mga public utility jeepney groups.
Suno diri, ang ginapropose nga P1 jeepney increase sa tanan nga public utility jeeps, modern man ukon traditional.
