Ginahulat pa ang report kun may yara sang mechanical error sa mini dump truck nga natumba sa Sitio San Juan, Barangay Guimbalaon, Silay City, Negros Occidental sang Hunyo 27.
Madumduman nga pito ang napatay, lima ang kritikal kag 12 ang mga nag-angkon sang minor injuries gikan sa mga Job Order casuals sang Silay City Government.
Ang mga biktima ang gikan sa tree planting activity nga ginpatigayon sa Barangay Lantad sa sulod sang Northern Negros Natural Park.
Sa interview sang Bombo Radyo Bacolod kay Police Lt Col. Mark Anthony Darroca, hepe sang Silay City Police Station, wala pa sang may nagpasaka sang kaso batok sa driver.
Suno diri, yara pa sa gihapon sa ospital ang mga pilason nga biktima samtang yara naman sa tagsa ka panimalay kag memorial chapel ang mga bitkima nga nadulaan sang kabuhi.
Pahayag sini, ginpastekyar ang mini dump truck kun ini balay may yara sang mechanical error kag sa karun ginahulat pa ang report diri.
