Alas-8:00 kagab-i, ang anay Tropical Depression BISING ang nagbaskog na kag nangin Tropical Storm samtang yara sa gwa sang Philippine Area of Responsibility.
Ini ang ginhatagan sang International Name nga Tropical Storm DANAS.
Ang Bagyo ang ulihi nga nasiplatan sa 480 km West sang Basco, Batanes.
Dala sini ang hangin nga may kabaskugon nga nagadangat sa 75 km/h kag pagmadlos nga tubtob 90 km/h.
Ang Bagyo ang mahinay nga nagahulag padulong sa nakatungdan nga dereksyon.
Base sa latest satellite animation, apisar nga yara sa gwa sang PAR, ang Trough ukon Extension sang Bagyo ang makatuga sang mga pag-ulan sa Extreme Northern Luzon.
Samtang subong nga adlaw, lauman man ang padayun nga epekto sang Southwest Monsoon ukon Hangin Habagat sa dako nga bahin sang Pungsod.
Ang Habagat ang lauman nga magatuga sang maulanon nga panahon partikular na sa nakatungdan nga bahin sang Luzon.
Gani padayun man nga ginapanugyan ang paghalong sa posibilidad sang mga pagbaha kag landslide.
Wala na sang iban nga mga LPA ukon Bagyo nga namonitor nga mahimo makaapekto sa pungsod.
Sa latest forecast track, ang Bagyo ang magahulag sa nakatungdan nga dereksyon subong nga aga, apang magaliko man padulong sa naaminhan nga dereksyon sa hapon.
Samtang sa gab-i, ang Bagyo ang magaliko naman sa Northeastward nga dereksyon malapit sa area sang Taiwan.
Ini ang magapadayun sa nasambitan nga banas, kag sa Lunes sang kaagahon, mahimo nga liwat magsulod sa Philippine Area of Responsibility.
Bangod ini ang magasulod malapit lamang sa Northwestward boundary sang PAR, ini ang ginalauman nga maggwa man padangat sang hapon.
Sa duration sang liwat nga pagsulod sa PAR, manubo man ang tyansa nga may ipanaog nga Tropical Cyclone Wind Signal, apang mag-aligmat gihapon bangod makatuga sang mabaskog nga mga pag-ulan ang Trough ukon Extension sang Bagyo.
