Ginbasura ni Negros Occidental Governor Eugenio Jose “Bong” Lacson ang motion for reconsideration nga gin-file ni Atty. Annabelle Palic, ang anay head sa Human Resource Department sang Provincial Government sang probinsya.
Suno sa gobernador naka-pirma na siya sang order nga sa diin wala sini ginpamatian ang motion for reconsideration ni Palic.
Bangud sa pagbasura sang motion for reconsideration ni Palic, nag-epekto na ang gindagdag nga dismissal order sadtong Hunyo 17.
Una na nga ginpahayag ni Negros Occidental Provincial Legal Officer Atty. Alberto Nellas Jr. nadesisyunan nga ipamatbatan si Palic nga administratively liable sa grave misconduct, oppression, conduct prejudicial to the best interest of the service, kag notoriously undesirable base sa mga ebidensiya.
Nahibaluan nga nag-ugat ang kaso sa joint complaint sang mga job order workers, mga retirees kag isa ka empleyado.Kalakip sa mga reklamo ang pagpangita ni Palic sang mga requirements nga masobra pa sa mga regular nga mga rekisitos sa pagkuha sang ila nga sweldo samtang ginapadugayan naman sang HRMO head ang pag-release sang clearance sang mga retirees kag isa ka empleyado ang nagreklamo sang indi pagkilala sang iya nga leave benefits sadtong COVID-19 pandemic.Ang complaint ang gintingob sang Progressive Alliance of Capitol Employees (PACE).
Ang dismissal order may kalakip nga accessory penalties ginalakipan sang cancellation of eligibility, perpetual disqualification from holding public office, kag forfeiture sang retirement benefits.
Si Palic may kinamatarong sa pag-apelar sa desisyon ginpapanaog sa iya sa Civil Service Commission.
