Walo ka distrito sang Thailand, ginpaidalom sa Martial Law bangod sa nagalala nga gyera sa Cambodia

Nagdeklarar sang martial law ang gobyerno sang Thailand sa walo ka mga distrito sang mga ini malapit sa border sang Cambodia.

Ini kasunod sang nagapadayon nga gyera sa tunga sang duha ka pungsod bangud sa agaway sang teritoryo.

Suno kay Thailand acting Prime Minister Phumtham Wechayachai, ang nasambit nga mando ang gilayon naman nga ginpatuman.

Ginakahangaw-an naman sini nga magaluntad sa maduguon nga gyera ang ikaduhha nga cross-border fight sang duha ka pungsod.

Sang Huwebes, may nagluntad nga pagbayluhanay sang lupok ang Thailand kag Cambodia kun sa diin pila ka siglo na ang gyera sa tunga sang duha ka pungsod.

Bangud sa insidente, masobra 138,000 ka mga persona ang ginpahalin sa border region sang Thailand.