Lalaki nga residente sang Barangay Tangub dakop sa drug buy-bust operation sa Barangay 9, Bacolod City

Dakop ang isa ka persona sa ginpatigayon nga drug buy-bust operation sang Bacolod Police Station 2 sa Prk. Rose, Barangay 9, Bacolod City subong nga gab-i.

Ginkilala ang subject person kay alyas moks, 31 anyos, single, wala sang trabaho kag residente sang Prk. Villa Esperanza Brgy Tangub Bacolod City

Nakuha sa paghinakop sini ang apat ka sachet sang suspected shabu kag non-drug items.

Ang nakumpiskar diri ang ginabanta nagabug-at sang 5 grams kag nagabalor sang kapin P34,000.00

Nakahunong sa karun si alyas moks sa Bacolod Police Station 2 kag mangatubang sang kaso nga paglapas sa section 5 kag 11 sang RA 9165 ukon Comprehensive Dangerous Drugs Act of 2002.